Udasi theher jati ha – Voice: Rj Tanveer Ahmed Khan

next show  -   RJ Daniyal
DAYS HOURS MINUTE SECOND
 





download-button-pressed

Udasi theher jati ha. ..!
Udasi ka agerche apna koi gher nahi hota
Mager jab bhi nigahon main
Guzergaahon ka soona pan khatakta hai
Kisi k aks main doobi hui ankhen
Kabhi jo barishon ka saath deti hen
Safer ki shab, Akeley pan ka gehra rang
Jab weraan dehleezon ki pheeki zardion per pheil jata ha
Musafir ko mager phir bhi koi pursa nahi deta
Udasi theher jati ha
Gae moasam, Palat k yaad k dhundley dareechon per
Adhuri dastakon ka shak bitha jatey hen
Sardi saans k tan man main bas jati hai
Seeney main koi lamha uter ker toot jata hai
Kabhi muddat k pardesi
Ager apney na aaney ka koi peghaam bhejen
Aur makanon pe likhi umeed binai ganwa bethey
Chhaton pe baantch pan ka dukh uter aaey
Udasi theher jati hai
Kabhi bithhrey huon ka dukh
Kisi bhi shaam ki veraanion se lag k rota hai
Shaben be aarzo ho ker khmoshi orh leti hen
Kabhi jab dil ki nazuk taar se likha gya koi khat
Kahin rastey main kho jaae
Ya khat ki muntazir khwahish ko koi rog lag jaaey
Jahan moqa nikal aaey, Jahan soorat baney gham ki
Jahan be ronqi ka koi bhi pehlu nikalta ho
Wahin khaima lagati ha
Udasi theher jati ha
Udasi theher jati ha….!

Leave a Reply

Your email address will not be published. Required fields are marked *

 

 
 
previous next
X