احسن اقبال پر حملہ ختم نبوت کے معاملے پر کیا: ملزم کا اعترافی بیان

next show  -   RJ Omar Wynne
DAYS HOURS MINUTE SECOND
 

نارووال میں وزیر داخلہ احسن اقبال پر حملہ کرنے والے ملزم نے کہا ہے کہ اس نے ختم نبوت کے معاملے پر احسن اقبال پر حملہ کیا۔ مریم اورنگزیب کا کہنا ہے کہ ملزم کا تعلق تحریک لبیک سے ہے۔

اطلاعات کے مطابق حملہ آور عابد حسین کی عمر 21 سال اور اس کا تعلق اسی گاؤں کنجروڑ سے ہے جہاں وزیر داخلہ کارنر میٹنگ میں شریک تھے۔ ملزم کے والد کا نام منظور گجر ہے، ملزم کا تعلق ایک مذہبی تنظیم سے بتایا جارہا ہے۔

ملزم نے پولیس کو دیے گئے ابتدائی بیان حملے کا اعتراف کرتے ہوئے کہا ہے کہ اس نے ختم نبوت کے معاملے پر وزیر داخلہ پر حملہ کیا۔ ملزم کے بیان کی مزید تفصیلات پولیس نے ابھی ظاہر نہیں کیں۔

اس ضمن میں وزیر اطلاعات مریم اورنگزیب کا کہنا ہے کہ ہمیں معلوم ہوا ہے کہ ملزم کا تعلق تحریک لبیک سے ہے، انتہا پسندی کی سوچ کی ہمارا مذہب بھی اجازت نہیں دیتا۔ واضح رہے کہ ملزم عابد حسین نے آج نارووال میں وزیر داخلہ احسن اقبال پر دو گولیاں چلائیں جس کے باعث احسن اقبال زخمی ہوگئے ملزم کو موقع سے گرفتار کرلیا گیا۔

 

Interior Minister Ahsan Iqbal injured in assassination attempt during Narowal corner meeting

Leave a Reply

Your email address will not be published. Required fields are marked *

 

 
 
previous next
X